Kisha Katolike në Kosovë përkatësisht Ipeshkvia Prizren-Prishtinë, ka shpallur programin zyrtar të aktiviteteve për festën e Pashkëve, një nga datat më të rëndësishme të kalendarit të krishterë, që përkujton ringjalljen e Jezu Krishtit dhe triumfin e jetës mbi vdekjen.

Programi festiv do të nis të shtunën, më 19 prill 2025, me Vigjiljen e Pashkës, ku në ora 21:00, do të mbahet Mesha solemne e Pashkëve në Katedralen “Shën Nënë Tereza” në Prishtinë, shkruan Arbresh.info.

Aktivitetet do të vazhdojnë të dielën, më 20 prill 2025, me Meshën e Ditës së Pashkës në orën 11:00, po ashtu në Katedrale, ku pritet pjesëmarrje e gjerë e besimtarëve katolik.

Në mbrëmje, në orën 19:00, do të mbahet pritja solemne e Pashkës, e organizuar nga Imzot Dodë Gjergji, në Qendrën “BogdaniPolis”.

Programi i plotë:

E shtunë, 19 prill 2025 – Vigjilja e Pashkës

Në orën 21:00 – Mesha solemne e Pashkëve në Katedralen Shën Nënë Tereza, të cilës do t’i prijë Sh. T. Imzot Dodë Gjergji, në bashkëmeshim me meshtarët e ipeshkvisë.

E diele, 20 prill 2025 – Dita e Pashkës

Në orën 11:00 – Meshë në Katedralen Shën Nënë Tereza.

Në orën 19:00 – Pritja Solemne e Pashkës, e cila do të mbahet në Qendrën “BogdaniPolis” që gjendet nën Katedralen Shën Nënë Tereza.

Pritja organizohet nga Sh. T. Imzot Dodë Gjergji, me rastin e festës së Pashkës.

Jeni të ftuar të gjithë, besimtarë/e, miq e dashamirë, që të festojmë me gëzim Ringjalljen e Krishtit!

Vëllazërisht,

Ipeshkvia Prizren-Prishtinë./Arbresh.info