Ilir Meta: Jam i bindur në pafajësinë e Hashim Thaçit dhe Kadri Veselit

21:41 | 26 Qershor 2020
Arditë Shkodra

Presidenti i Shqipërisë, Ilir Meta shprehet i bindur në pafajësinë e Presidentit të Kosovës, Hashim Thaçi dhe kryetarit të Partisë Demokratike të Kosovës, Kadri Veseli.

Në një postim në rrjetin social Facebook, ai thotë se Kosova, me urtësi, unitet dhe largpamësi do ta fitojë edhe këtë sfidë.

Më herët gjatë një konference me gazetarët, Meta kërkoi mbështetje nga Kosova dhe Shqipëria për Presidentin Thaçi dhe kreun e PDK-së Veseli për të përballuar aktakuzat për krime luftë të ngritura ndaj tyre.

Postimi i tij i plotë:

I bindur në pafajësinë e Presidentit të Kosovës, Sh.T.Z. Hashim Thaçi dhe Kryetarit të Partisë Demokratike të Kosovës, z.Kadri Veseli.
Kosova, me Urtësi, Unitet dhe Largpamësi do ta fitojë edhe këtë sfidë! ??❤️??