Instituti Kombëtar i Shëndetësisë Publike të Kosovës (IKSHPK), ka bërë të ditur se kanë përfunduar analizat e ujit në pishinën e Gërmis dhe të njëjtat, sipas tij, kanë rezultuar të jenë brenda standardeve të parapara sipas rregullores për pishina.

“Instituti Kombëtar i Shëndetësisë Publike të Kosovës (IKSHPK), në kuadër të mandatit të tij për mbrojtjen e shëndetit publik, vazhdon me monitorimin e cilësisë së ujit në pishinën e Gërmisë. Rezultatet e mostrave të ujit të pishinës së Germisë të marra me datë 23 korrik 2025 rezultojnë brenda standardeve të parapara sipas rregullores për pishina”, thuhet në njoftim.

Sipas IKSHPK-së, do vazhdohet monitorimi i ujit për pije dhe ujit në pishinën e Gërmisë.

“Me qëllim te mbrojtjes së shëndetit publik, ekipet e departamentit të Ekologjisë Humane/IKSHPK do të vazhdojnë me monitorimin e ujit për pije dhe ujit në pishinën e Gërmisë”, bënë të ditur IKSHPK./Arbresh.info/