I dërguari special i presidentit amerikan Donald Trump në dialogun Kosovë-Serbi, Richard Grenell në një intervistë për Newsmax TV ka thënë se, është duke u përpjekur të krijojë Zonën Ekonomike Mini-Shenzen, duke iu referuar zonës së parë të veçantë ekonomike të Kinës.

Por këtë ide i pari e pati presidenti i Aleances Kosova e Re, raporton arbresh.info

Behgjet Pacolli, kryetar i AKR-së, tha se zgjidhja lidhur me çështjes në mes të Kosovës dhe Serbisë nuk është politike.

Ai në Zona Zgjedhore përmendi krijimin e një zonë të lirë ekonomike.

“Unë zgjidhjen me Serbinë e shoh krejtësisht në rrafshin ekonomik”.

“Ne politikisht nuk kemi çka t’i japim më Serbisë. Me dokumentin e Ahtisarit ne kemi bo koncesus politik. Serbia ka arritur maksimumin në Kosove dhe çdo gjë që bën do të shkonte në dëm të Kosovës”.

“Unë e shoh zgjidhjen vetëm tek një zonë e lirë ekonomike, e cila do të formohej mes Serbisë dhe Kosovës”.

Sipas tij kjo zonë ekonomike mund të menaxhohej nga një entitet i tretë, përderisa si model ka përmendur variantin në mes të Koresë së Veriut dhe asaj të Jugut.

Sa i përket idesë së korrigjimit të kufirit në kuadër të marrëveshjes finale me Serbinë, Pacolli tha se asnjëherë nuk ka parë ndonjë ofertë për ndarje të Kosovës. / arbresh.info/

Kjo është deklarata e plotë e Begjet Pacollit e dhënê në vitin 2019:

https://www.facebook.com/KlanKosovaOfficial1/videos/721566218314370/