Një ngjarje e rëndë ka ndodhur sot në Ferizaj, ku si pasojë e të shtënave me armë zjarri një grua ka vdekur ndërsa një person tjetër është plagosur.

Dyshimet e para janë që gruaja është vrarë nga ish-bashkëshorti i saj.

Në lidhje me këtë ngjarje, ka reaguar edhe kryetari i komunës së Ferizajt, Agim Aliu i cili bëri të ditur se i plagosuri  në këtë ngjarje është vëllai u viktimës, shkruan Arbresh.info.

“Të tronditur thellë, morëm lajmin se pak minuta më parë, një bashkëqytetare e jonë është qëlluar për vdekje nga ish bashkëshorti i saj derisa dorasi ka plagosur edhe vëllain e viktimës. Viktima dhe dorasi po merrnin shërbime pranë Qendrës për Punë Sociale në Ferizaj, derisa dorasi ka shtënë mbi viktimën dhe vëllain e saj si dhe ka kërcënuar me armë edhe punonjësen e këtij institucioni”, ka shkruar Aliu në “Facebook”.

Nga Prokuroria Themelore në Ferizaj deklaruan se dyshimet e para janë që gruaja është vrarë nga ish-bashkëshorti i saj./Arbresh.info