I ofroi ryshfet 5 euro, arrestohet shtetasi i Shqipërisë

09:58 | 22 Janar 2020
Arbresh.info

Të martën rreth mesnatës është arrestuar një person pasi dyshohet për ofrim të mitos.

I dyshuari, shtetas i Shqipërisë u ka ofruar zyrtarëve policorë një bankënotë prej 5 € derisa po i kontrollonin dokumentet personale të tij dhe të automjetit, shkruan arbresh.info.

Në njoftimin 24 orësh të Policisë së Kosovës thuhet se i dyshuari është intervistuar dhe me vendim të prokurorit është liruar në procedurë të rregullt.

“SPK. Kullë 21.01.2020-22:40. Është raportuar se i dyshuari mashkull shtetas i Shqipërisë u ka ofruar zyrtarëve policorë një bankënotë prej 5 €, derisa i kontrollonin dokumentet personale të tij dhe të automjetit. I njëjti është intervistuar dhe me vendim të prokurorit është liruar në procedurë të rregullt”, thuhet në raport./arbresh.info/