Ministri i Punëve të Brendshme, Skender Hyseni, ka pritur sot në takim lamtumirës, Ancik Van Claster, ambasadoren jo Rezidente të Belgjikës në Kosovë dhe shefin  e Zyrës Diplomatike belge në Prishtinë.

Hyseni e ka falenderuar ambasadoren për kontributin që ka dhënë gjatë kohës sa ka mbuluar Republikën e Kosovës, duke vlerësuar se mes të dyja shteteve ekziston një bashkëpunim i shkëlqyer sa i përket bashkëpunimit në luftimin e krimit të organizuar.

Ai në këtë takim ka folur për angazhimet që ka bërë Ministria e Punëve të Brendshme në luftimin e krimit të organizuar, korrupsionit, luftimin e terrorizmit, dhe plotësimin e kritereve që kanë dalë nga procesi i liberalizmit të vizave, që edhe u kurorëzua me rekomandimin për heqjen e vizave për qytetarët e Kosovës.

Ambasadorja Van Claster theksoi se gjatë kohës sa ka shërbyer  në Kosovë ka pasur në bashkëpunim të shkëlqyer me institucionet e Kosovës dukë shtuar se edhe në të ardhmen shteti belg do të përkrahë Kosovën në anëtarësimin në organizata të rëndësishme ndërkombëtare.

Hyseni ka kërkuar përkrahjen e shtetit belg për vizat në Parlamentin Evropian dhe në Këshillin e BE-së, në nivel të ministrave të brendshëm.