Kryeministri hungarez Viktor Orban, ka deklaruar se Serbia dhe Republika Sërpska janë “çelësi i stabilitetit të Ballkanit Perëndimor” dhe tha se Hungaria do ta ndihmojë Republikën Sërpska me 100 milionë euro.

Orban ka shpjeguar se Qeveria e Hungarisë ofron 100 milionë euro ndihmë financiare për Republikën Sërpska në kuadër të politikës përgjegjëse hungareze të fqinjësisë për forcimin e stabilitetit në rajon.

Paratë janë të destinuara për ndërmarrjet e vogla dhe të mesme në Republikën Sërpska.

Kryeministri hungarez tha se Dodik ishte një politikan i zgjedhur në mënyrë demokratike dhe paralajmëroi fuqitë perëndimore se një veprim i tillë si vendosja e Dodikut mënjanë do të ishte e rrezikshme.

Gjatë vizitës së fundit të Orbanit në Republika Sërpska, u ra dakord për të krijuar një Fond Hungarez në Sërpska, i cili do të ketë në dispozicion rreth 100 milionë euro grante. /arbresh.info