Hoxhaj në Austri takohet me Stark: Bashkatdhetarët marrin mbështetje të madhe nga ai sepse çdoherë e ka në zemër Kosovën

10:50 | 3 Mars 2024
E.H

Nënkryetar i Kuvendit të Kosovës, Enver Hoxhaj së bashku me një delegacion të PDK-së, po qëndrojnë për vizit në Austri.

Me anë të një postimi në Facebook, Hoxha ka bërë të ditur se është takuar me Christoph Stark, deputet në Parlamentin e Austrisë dhe kryetar i Komunës në Gleisdorf, përcjell Arbresh.info.

“Kënaqësi fort e veçantë të takojmë Christoph Stark, deputet me ndikim të madh në Parlamentin e Austrisë dhe Kryetar i Komunës në Gleisdorf, ku jetojnë shumë bashkatdhetarë të cilët marrin mbështetje të madhe nga ai, sepse çdoherë e ka në zemër Kosovën”, ka shkruar Hoxhaj

Ndryshe delegacioni i PDK-së, përbëhet nga deputeti i Kuvendit të Kosovës, Elmi Reçica dhe kryetari i Komunës së Drenasit, Ramiz Lladrovci./Arbresh.info