Zëvendëskryeministri i Kosovës, Enver Hoxhaj i ka reaguar ministrit të jashtëm serb Ivica Daciq në lidhje me deklaratat e tij më të reja për Kosovën.

Përmes një postimi në Tëitter, Hoxhaj ka thënë se Serbia historikisht nuk e ka pranuar zgjidhjen paqësore të mosmarrëveshjeve, dhe asnjëherë nuk i ka pranuar zgjidhjet e negociuara ndërkombëtarisht.

Hoxhaj ka thënë që një konferencë e re ndërkombëtare është e panevojshme, pasi që sipas tij dialogu i ndërmjetësuar nga Bashkimi Evropian duhet të përmbyllet me një marrëveshje ligjore për normalizim të plotë dhe njohje të ndërsjelltë.

“Historikisht, Serbia nuk ka pranuar zgjidhjen paqësore të mosmarrëveshjeve dhe kurrë nuk i ka pranuar marrëveshjet e negociuara ndërkombëtarisht. Nuk ka nevojë për një tjetër konferencë ndërkombëtare. Dialogu i ndërmjetësuar nga BE-ja duhet të përmbyllet me marrëveshjen ligjore për normalizim të plotë dhe njohje të ndërsjelltë”, ka shkruar Hoxhaj në Tëitter.

Sot, kryediplomati serb deklaroi se duhet të organizohet nje konferencë e re ndërkombëtare ku do të merrnin pjesë BE-ja, ShBA’ja dhe Rusia për ta gjetur një zgjidhje për Kosovën.