Kryetari i Komisionit për Politikë të Jashtme në Kuvendin e Kosovës, Enver Hoxhaj në një prononcim për KosovaPress ka theksuar se inicimi i peticioneve kundër miqve amerikanë, përbën një sulm ndaj vet Pavarësisë së Kosovës.

“Derisa një iniciativë e tille është nga një person shumë i dyshimtë, çdo kush duhet te distancohet nga një gjë e tillë, meqë asnjë marrëdhënie ndërshtetërore nuk është me e shenjtë për Kosovën sesa lidhja e veçantë me Amerikën”, ka thënë Hoxhaj.

Ish ministri i Jashtëm, ka thënë se çdo iniciativë apo diskurse anti-perëndimor është kundër vet të ardhmes euroatlantike të Kosovës.

“Lindja e Kosovës si shtet është rezultat i ngritjes së Amerikës si superfuqi globale dhe ekzistenca e jonë shtetërore është rezultat i mbështetjes amerikane”, ka thënë Hoxhaj.

Duke komentuar peticionin kundër ambasadorit amerikan në Kosovë, Greg Delawie, Hoxhaj ka theksuar se me SHBA-të janë model frymëzimi si demokracia më e zhvilluar në botë dhe si qendra kryesore e botës perëndimorë, pjese e se cilës është Kosova.

Amerika, sipas Hoxhajt, është e rëndësishme për Kosovën edhe për arsye gjeopolitike meqë shtetit i ri ende nuk është afetarë as i OKB-së dhe as institucioneve euroatlantike