Hoxhaj e ngushëllon Cavusoglun për ngjarjet në Stamboll

18:41 | 11 Dhjetor 2016
M. A.
Ministri i Jashtëm i Kosovës Enver Hoxhaj, përmes një bisede telefonike, i ka shprehur ngushëllime homologut të tij, ministrit të Jashtëm turk, Mevlüt Çavuşoğlu për viktimat e sulmit të mbrëmshëm në Stamboll.
Përmes një komunikate të dërguar për media thuhet se Hoxhaj ka dënuar ashpër sulmet e mbrëmshme në Stamboll dhe i ka shprehur ngushëllime homologut turk për viktimat e dy sulmeve të njëpasnjëshme, që lanë dhjetëra të vdekur.

Gjatë bisedës, Hoxhaj i ka shprehur mbështetjen Çavuşoğlut dhe popullit turk, ndërsa ka thënë se Kosova i gjendet pranë Turqisë për ta mbështetur në këto momente të vështira.

Mbrëmë Stambolli ishte cak i dy sulmeve të njëpasnjëshme ku pati dhjetëra të vdekur dhe të lënduar.

Shpërndaje në rrjete sociale