Kryeministri i Kosovës, Avdullah Hoti në Bruksel do të udhëtojë bashkë me zëvendësin e tij në qeveri, Besnik Tahirin.

Ky i fundit e ka konfirmuar këtë me anë të një postimi në Tëitter, teksa ka thënë se sot do ta kenë një “ditë të zënë”.

Tahiri ka treguar se sot do të kenë takime në Parlamentin Evropian me presidentin e saj dhe zyrtarë të tjerë, teksa më vonë do ta kenë edhe një prezentim.

“Sot bashkë me kryeministrin Avdullah Hoti do ta kemi një ditë të zënë në Bruksel me takime në grupin e miqësisë së Kosovës në Parlamentin Evropian të organizuar nga Lukas Mandl nga EPP. Do të takohemi me Davidd Sassolin, president i Parlamentit Evropian, teksa më vonë do të kemi një prezenim të udhëhequr nga David Mcallister”, ka shkruar Tahiri.

Ndryshe, gjatë ditëve të fundit ka pasur mjaftë mospajtime mes AAK-së dhe LDK-së, me partinë e Haradinajt që ka akuzuar kryeministrin Hoti për lënie anash dhe mos-transparencë për takimet e zhvilluara në Bruksel.

Madje, AAK nuk e ka mohuar as daljen e mundshme nga koalicioni.

Today together with PM @Avdullah will have a busy day in #Brussels attending a meeting of the Kosovo-Friendship Group in the @Europarl_EN organized by @lukasmandl from @EPP, Meeting with Mr. David Sassoli @EP_President and a presentation at @EP_ForeignAff led by @davidmcallister.

— Besnik Tahiri (@besnik_tahiri) September 10, 2020