Qeveria e Kosovës ka marr vendim që të lirojë nga kufizimi i lëvizjes personat që janë të angazhuar zyrtarisht në zgjedhjet lokale 2021 që do të mbahen të dielën.

Kështu u vendos ne mbledhjen e sotme të qeverisë të mbajtur në formë elektronike, shkruan arbresh.info.

Mirëpo, kjo masë lirimi vlen vetëm për dy ditë, duke nisur nga dita e shtunë në ora 22:00 deri të hënën në ora 5:00.

“Në këtë mbledhje u mor vendimi për plotësim-ndryshimin e pikës së 15-të të vendimit të datës 24 shtator për masat e përgjithshme dhe të veçanta kundër COVID-19.Sipas vendimit të sotëm, kufizimi i qarkullimit nuk do të vlejë për personat e angazhuar zyrtarisht për organizimin dhe mbarëvajtjen e procesit zgjedhor, nga ora 22:00 e datës 16 tetor 2021 deri në ora 05:00 të datës 18 tetor 2021. Këtu përfshihen anëtarët e këshillave të vendvotimeve dhe vëzhguesit e procesit zgjedhor. Ky vendim është marrë me qëllim që  t’u mundësohet kryerja e detyrës zyrtare”, thuhet në njoftim.

Ndryshe, në vendimin e 24 shtatorit, Qeveria e Kosovës mori vendim për vazhdimin e disa masave anti-Covid, përfshirë edhe orën policore,, ndërsa mori vendim për lejimin e vazhdimit të mësimit në të gjitha nivelet shkollore ./arbresh.info/