Kandidati për deputet nga Lëvizja Vetëvendosje (LVV), Hekuran Gashi, ka ndarë mesazhin e tij pas një vizite dhe takimesh me qytetarët gjatë fushatës elektorale.

Në një postim në rrjetet sociale, Gashi e përshkroi udhëtimin si “të shkurtër, por të ëmbël” dhe falënderoi të gjithë ata që e dëgjuan, e panë dhe e mbështetën gjatë vizitave. Ai theksoi se pjesëmarrja në zgjedhje është vendimtare për të ardhmen e vendit.

“Udhëtimi I shkurtër, por i ëmbël; një eksperiencë e paprovuar, por interesante dhe një mision në vazhdim. Falënderoj të gjithë ata që takova, ata që më dëgjuan e më panë, si dhe ata që më mbështetën. Do t’ju jem mirënjohës përgjithmonë. Mos harroni, këto janë zgjedhje që përcaktojnë të ardhmen tonë si asnjëherë më parë. Votoni dhe thirrni të tjerët të votojnë Lëvizjen VETËVENDOSJE!”, shkroi ai./Arbresh.info