Veriu i Mitrovicës si dhe Zveçani janë futur në karantinë si pasojë e rasteve të reja të personave të infektuar me Covid19.

Kjo ndodhi ka rezultuar që të reagojnë disa nga figurat e politikës tonë, ku nëpërmjet këtyre reagimeve po thonë se këto komuna po e respektojnë gjendjen e jashtëzakonshme të shpallur në Serbi.

E këtyre reagimeve i’u është kundërpërgjigjur edhe ministrja në detyrë e Drejtësisë, Albulena Haxhiu, shkruan arbresh.info

Haxhiu përmes një postimi në llogarinë e saj në Facebook ka thënë se Thaçi, Mustafa e Veseli si zakonisht janë në linjën e njejtë.

“Thaçi, Mustafa e Veseli si zakonisht në të njëjtën linjë. Sot u paska ra në mend veriu i vendit tonë anipse që 21 vite kanë qenë herë bashkë e herë veç e veç por sërish për pazare bashkë”, ka shkruar ajo.

Kurse shkrimin e saj ministrja e ka përfunduar duke thënë se “Askush s’ju beson më”.

Postimi i saj i plotë:

Thaçi, Mustafa e Veseli si zakonisht në të njëjtën linjë. Sot u paska ra në mend veriu i vendit tonë anipse që 21 vite kanë qenë herë bashkë e herë veç e veç por sërish për pazare bashkë.

Ministrat Vitia dhe Sveçla sot i demantuan deklaratat e tyre që kanë për qëllim të mjegullojnë e të vënë në panik qytetarët.

Në këtë kohë pandemie është e pafalshme çfarë po bëjnë këta. Por mesazhin e qytetarëve e kanë marrë, askush s’ju beson më!