Ministrja e Drejtësisë Albulena Haxhiu ka reaguar lidhur me rastin e gardianit i cili u kap duke tymosur marihuanë, përderisa ishte në krye të detyrës.

Përmes një postimi në Facebook, ajo tha se e dënon fuqishëm këtë veprim, përderia u ka bërë thirrja organeve kompetente për ndërmarrjen e masave të menjëhershme.

“Mbrëmë u njoftova se një zyrtar korrektues i Burgut të Sigurisë së Lartë, është zënë me substanca narkotike. E dënoj fuqishëm këtë veprim të kundërligjshëm dhe thërras për ndërrmarjen e veprimeve të menjëhershme në raport me këtë. Mekanizmat e brendshme të SHKK dhe institucionet e drejtësisë menjëherë të veprojnë në mënyrë që rasti i mbrëmshëm të dënohet dhe të tilla të mos përsëriten”.

Haxhiu theksoi se kontrabanda në qendrat korrektuese do të ndëshkohet, sidomos kur pjesë e saj janë zyrtarët korrektues.