Ministrja në detyrë e  Drejtësisë, Albulena Haxhiuka vizituar shtëpinë muze Ferdonije Qerkezi.

Në një postim në Facebook, Haxhiu u shpreh se Nëna Ferdonije dhe nënat e Gjakovës, janë zëra të kujtesës sonë kombëtare, shkruan Arbresh.info.

“Në shtëpinë muze të nënës Ferdonije, me nënat që nuk u dorëzuan asnjëherë përballë dhimbjes së madhe! Më 27 mars, 26 vite më parë, nënës Ferdonije iu rrëmbyen dhunshëm nga forcat serbe bashkëshorti dhe katër djemtë e saj. Nëna Ferdonije dhe nënat e Gjakovës, janë zëra të kujtesës sonë kombëtare, një kujtesë që na obligon të mos harrojmë asnjëherë gjenocidin serb në Kosovë dhe të mos e ndalim angazhimin për drejtësi.”, ka shkruar ajo.

“Shtëpia e nënës Ferdonije është një dëshmi e gjallë e dhembjes dhe qëndresës.”, u shpreh Haxhiu./Arbresh.info/