Ministrja e Drejtësisë, Albulena Haxhiu ka bërë të ditur se do të themelohet Komisioni përgjegjës dhe do të shpallet konkursi për noterë brenda një kohe shumë të shkurtë.

“Procesi do të jetë transparent e profesional dhe se nuk do të përsëriten situatat e ndërhyrjes në proces e nuk do të përdoren metodat e përzgjedhjes së personave mbi baza familjare, partiake apo biznesore siç pati ndodhur me konkursin e kaluar”, ka shkruar Haxhiu në Facebook.

Haxhiu tha se procesi do të jetë transparent dhe profesional dhe sipas saj më nuk do të ketë ndërhyrje në proces siç ka ndodhur dikur.

“Më në fund, pas gati 3 vitesh, përmbyllet procesi gjyqësor për Provimin e Noterisë çka i hapë rrugë shpalljes së konkursit për noterë. Dua të njoftoj qytetarët se brenda një kohe të shkurtër do të themelojmë Komisionin përgjegjës dhe do të shpallim konkursin për noterë. Procesi do të jetë transparent e profesional dhe se nuk do të përsëriten situatat e ndërhyrjes në proces e nuk do të përdoren metodat e përzgjedhjes së personave mbi baza familjare, partiake apo biznesore siç pati ndodhur me konkursin e kaluar”, shkroi Haxhiu./arbresh.info/