Kryeministri i Kosovës Ramush Haradinaj, është takuar me përfaqësuesit e organizatës humanitare Caritas, dhe prirësin e saj, Don Viktor Sopi, njofton Klan Kosova.

“Roli i Caritas Kosova në komponentën sociale në shërbim të komunitetit është i jashtëzakonshëm, veçmas në aspektin e kujdesit shëndetësor. Prita sot përfaqësuesit e kësaj organizate humanitare, si pjesë e Caritas-it europian, prirë nga Don Viktor Sopi, me të cilët u pajtuam që projektet e tyre forcojnë shërbimet e komunave. Qeveria do të vazhdojë mbështetjen e programeve të përbashkëta të Caritas me komunat e Kosovës, që përfshijnë ofrimin e shërbimeve mjekësore në shtëpi dhe punësimin e qindra mjekëve praktikatë e punëtorëve tjerë shëndetësor”, ka shkruar Haradinaj në rrjetin sociale Facebook.