Kreu i AAK-së, Ramush Haradinaj, duket se ka pasur një temë diskutimi së bashku me Kryeministrin e Shqipërisë, Edi Rama. Këtë të paktën e vërteton fotografia e postuar në rrjetin social Facebook, nga bashkëshortja e liderit të AAK, Anita Muçaj.

“Ky takim ishte i një bisedë të sinqertë”, ka shkruar Anita në Facebook, duke komentur fotografinë në fjalë.

Ndërkaq në shoqërimin e tyre u pa edhe bashkëpartiaku i Ramush Haradinajt, Pal Lekaj.

Nuk dihet përmbajtja e takimit, por besohet se është në vazhdën e tejkalimit krizës politike në Kosovë.

Nga fotografia e publikuar nga ky takim, shihet se kreu i AAK-së dhe kryeministri i Shqipërisë janë takuar në një restorant.

Më herët gjatë ditës, Haradinaj përmes një komunikate për media, kërkonte nga Qeveria e Kosovës që të merrte hapin e parë për daljen nga kriza.