Në lidhje me anulimin e debatit të kandidatëve për kryeministër, ka reaguar edhe Sekretari Organizativ i Vetëvendosjes, Dardan Molliqaj, i cili ka thënë që Haradinaj nuk ka guximin që të përballet me Kurtin në debatin e lartpërmendur.

Sipas Molliqajt, respektimi i ligjit për media është arsyetim i pavërtetë.

Këto komente kandidati për deputet nga VV-së, i bëri përmes një postimi në Facebook, të cilin mund ta lexoni të plotë më poshtë.

“Konfirmohet ajo që e shkrova para 1 ore: Ramush Haradinaj nuk guxon të përballet me Albin Kurtin të premten në Klan Kosova.
Ai tërhiqet nga debati me arsyetimin se po e respekton ligjin për medie.
Ramush, pranoje që s’po guxon. Se për ligj, ja e ke shkelë ti ja s’di kush.
P.S. Ligji nuk i ndalon debatet para fushatës. Arsyetimi është i pavërtetë” ka shkruar Dardan Molliqaj.