Kryetari i AAK-së, Ramush Haradinaj sot ka zhvilluar një takim me kryetarët e degës së partisë nga e gjithë Kosova.

Këtë ai e ka bërë të ditur përmes një postimi në rrjetin social ‘Facebook’, transmeton arbresh.info

Haradinaj tha se në takim i ka informuar kryetarët për zhvillimet në Amerikë, rreth çështjes së dialogut, ku AAK përfaqësohet nga ministrat Selim Selimi dhe Meliza Haradianaj-Stublla

“Ne besojmë fuqishëm se takimi në Shtëpinë e Bardhë, do të jetë një hap para për Kosovën. Besimi jonë në aleatët amerikan është i plotë”, tha ai.

Postimi i tij i plotë:

Sot takova kryetarët e degëve të Aleancës nga e tërë Kosova. Informova kryetarët për zhvillimet në Shtetet e Bashkuara, rreth çështjes së dialogut, ku AAK përfaqësohet nga ministrat Selimi dhe Haradinaj-Stublla.
Ne besojmë fuqishëm se takimi në Shtëpinë e Bardhë, do të jetë një hap para për Kosovën. Besimi jonë në aleatët amerikan është i plotë.
Biseduam poashtu rreth zgjedhjeve të parakohshme brenda partisë dhe për shkak të pamundësisë për grumbullimin e njerëzve, u dakorduam t’i propozojmë Këshillit Drejtues që në respekt të vendimeve të qeverisë për masat kundër pandemisë, strukturat ekzistuese të vazhdojnë funksionimin deri në afatin e rregullt zgjedhor sipas Statutit të Aleancës.

RH