Haradinaj në Gllogjan pret në vizitë komunitetin shqiptar në ShBA: Shembulli më i mirë se si duhet të punohet për atdheun

17:16 | 7 Mars 2023
E.H

Kreu i Aleancës për Ardhmërinë e Kosovës, Ramush Haradinaj, përmes një postimi në Facebook ka njoftuar se në Gllogjan ka pritur në vizitë anëtarët e shoqatës Shqiptaro – Amerikane për Zbatim të Ligjit.

“Në Gllogjan na nderuan me vizitë anëtarët e shoqatës Shqiptaro-Amerikane për Zbatim të Ligjit, kryesuar nga Elton Shametaj, shoqatë kjo që përfaqëson shumë shqiptarë që shërbejnë në agjencitë e zbatimit të ligjit si; FBI, Polici, Marshall e Zjarrëfikës”, ka shkruar Haradinaj.

Kryetari i AAK-së tutje ka thënë se komuniteti shqiptar në ShBA është “shembulli më i mirë se si duhet të punohet për atdheun nga secili cep i botës”.

“Me punën e ndershme dhe shërbimin e tyre profesional ndaj komunitetit, e nderojnë gjithë kombin”, ka shtuar Haradinaj./arbresh.info/