Kryeministri i Kosovës, Ramush Haradinaj në një konferencë për media pas mbledhjes së Qeverisë ka thënë se ka pasur një mosrenditje mes komunave dhe AKP-së.

“Ka pasur pritje deri në 10 vjet. Pra një kërkesë e komunës ka pritur 10 vjet. Këto pengesa duhet të hiqen dhe ne sot kemi miratuar ligjin e kemi dërguar në Kuvend. Askush nuk do të mund t’i bllokoj komunat e Kosovës sepse është e pakuptimtë që një komunë të pres ta shfrytëzojë një tokë”, ka thënë ai, përcjell arbresh.info.

Haradinaj ka thënë se ligji për pagat është ligj që nuk e ka Kosova.

“Ky ligj është me vite të tëra në diskutim. Më në fund do të vije në Qeveri në parlament. Por njërit i ulet paga në Kosovë. Nuk po e them sepse dihet”, ka thënë ai.

Haradinaj ka përmendur edhe raportin për sfidat e dialogut.

“Po ashtu është hera e parë që kemi përgatitur këtë raport”, ka thënë ai./arbresh.info