Ish-kryeministri i Kosovës, Ramush Haradinaj ka reaguar pas sjelljes së tifo-grupit të SC Gjilanit, “Skifterët”.

Haradinaj këto paknaqësi i ka shprehur përmes një postimi në rrjetin social ‘facebook’, ku “Skifterët” pas ndeshjes Gjilan-APOEL dogjën flamurin e Greqisë, shkruan portali arbresh.info

Postimi i tij i plotë në Facebook:

Duke ju uruar sukses skuadrave tona sportive e po ashtu edhe tifozërisë sonë të mrekullueshme, nuk mund të mos e shpreh shqetësimin tim për dukuritë negative që nganjëherë ndodhin, e që nuk na bëjnë nder aspak. Populli shqiptar, ashtu siç dëshiron që të respektohen simbolet tona kombëtare, ashtu respekton edhe simbolet e popujve të tjerë. Djegia e flamurit grek, apo cilitdo flamur tjetër, nuk bën pjesë në traditën e shqiptarëve dhe besoj se ky do mbetet rast i izoluar dhe nuk do të përsëritet. Futbollistët tonë të shkëlqyer, i nderojmë me mbështjetje e përkrahje në shumë mënyra, por jo duke i ofenduar të tjerët.

RH /arbresh.info/