Kryetari i Aleancës për Ardhmërinë e Kosovës, Ramush Haradinaj, ka shfrytëzuar edhe foltoren në kuadër të zgjedhjeve të brendshme të partisë për të kritikuar Qeverinë.

Ai ka thënë se një Qeveri e një vendi të zhvilluar nuk ka luksin të qëndrojë një javë në një vend tjetër.

“Një qeveri që është me kaq probleme në vend nuk ka kohë të qëndrojë një javë në Bruksel. Po besoj vendet e pasura, vendet zhvillimore nuk kanë kohë me qëndrua nga një javë në ndonjë qytet se kanë shumë dinamikë në vend, kanë shumë probleme, kanë shumë tema”, tha Haradinaj, në zgjedhjet e degës së Prishtinës, ku kryetar është bërë Avni Arifi, përcjell kp.

Haradinaj para anëtarësisë tha se partia e tij ka për qëllim që të planifikojë politika të mira dhe t’i zbatojë vendimet që i merr. Përndryshe, sipas tij, nëse nuk ka këso planifikime, një parti nuk do të ketë sukses as gjatë qeverisjes, siç është duke ndodhur edhe tani në Kosovë.