Kryetari i Aleancës për Ardhmërinë e Kosovës, (AAK), Ramush Haradinaj ka përkujtuar sulmin e dytë ndaj familjes së komandantit të Ushtrisë Çlirimare të Kosovës (UÇK), Adem Jashari, e cila ndodhi më 22 janar 1998-tën.

Haradinaj tha se trimëria e tyre frymëzoi shqiptarët për luftë deri në çlirim.

Postimi i plotë:

22 janari 1998, për familjen Jashari të Prekazit nuk ishte ditë e zakonshme. Atë ditë, baci Shaban me tërë familjen i rezistuan sulmeve të armikut, në sulmin e dytë që iu bë kësaj familjeje emblematike të kombit tonë.

Rezistenca dhe trimëria e tyre, frymëzoi edhe më shumë shqiptarët për luftë deri në çlirim.

Jasharajt i dhanë emër sakrificës për liri. Kjo familje gjithmonë u nda me lavdi, e armiku gjithëherë u kthye me turp nga Prekazi.

Lavdi të rënëve për liri!

/arbresh.info/