Haradinaj: Ideja për bashkim me Shqipërinë është serioze

00:44 | 2 Shkurt 2021
Trina Galanxhi

“Nëse nuk hiqen pengesat Kosovës për anëtarësim në NATO, nëse katërshja e BE-së nuk na njeh, Serbia po ashtu, atëherë ne do të inicojmë referendumin për Bashkim me Shqipërinë. Kjo është serioze”.

Kështu është shprehur kreu i Aleancës për Ardhmërinë e Kosovës, Ramush Haradinaj, teksa fliste për mundësinë e referendumit me Shqipërinë.

Haradinaj në Radio Televizionin e Kosovës me tematikën, Kauza e Haradinaj, beteja politike për president, Haradinaj e bëri të qartë se para se të kryhet mandati i ardhshëm i qeverisë, një qeveri serioze duhet të jap shpjegim se çka duhet të ndodh në këto katër vjet.

Sipas tij nëse ajo qeveri nuk e ka të mundur të thotë se hyjmë në NATO ose jemi në dyer të NATO-s, përndryshe, e vetmja përgjigje është referendumi.

“Kjo ka mundësi reale të ndodh. Union Kosovë Shqipëri pa ndryshim të kufijve, pa asnjë lëvizje”.

I pari i AAK-së ka deklaruar se deri në 2024 duhet të ndodh përgatitja për referendum.