Haradinaj ia beson Arbër Vllahiut kandidaturën për kryetar të Prishtinës

11:37 | 12 Gusht 2017

Aleanca për Ardhmërinë e Kosovës ka zyrtarizuar kandidatit të saj për kryetar të Prishtinës.  

Dega e kësaj komune ka vendosur unanimisht që pjesë e kësaj gare të jetë Arbër Vllahiu. Me këtë rast, kryetari i AAK, Ramush Haradinaj ka folur rreth kësaj kandidature për kryeqytetin e Republikës, transmeton Indeksonline.

“Procesin për me marrë përgjegjësi ekzistojnë momente të veçanta. Njëri nga momentet e veçanta në proces të marrjes së përgjegjësive është nominimi për marrje të përgjegjësisë në komunën ku jeton por bëhet më e veçantë kur bëhet fjalë për kryeqytetin e vendit. Arbëri unifikon vlera të lidershipit, të një mendimtari dhe atij që mundet që ato mendime me i kthy në plan. Ai ka vlera intelektuale që janë të nevojshme dhe të veçuara për secilin që përfaqëson vendin. Çdo qytetar i Prishtinës me Arbrin do ta gjente veten e vet”, ka thënë ai.

Ndërsa, Vllahiu ka folur rreth programit që do ta bëjë për kryeqytetin.  “Ka ardhur koha që Prishtinës t’i shërbejmë me përkushtim. Ka ardhur koha që Prishtina të bëhet kryeqendër me tiparet e saj dhe kjo do të bëhet realitet me neve”, është shprehur ai.

Lajmet më të lexuara