Presidentja e Kosovës, Vjosa Osmani ka uruar Shqipërinë për hapjen e kapitujve të anëtarësimit në BE, duke e cilësuar si moment historik.

Osmani me anë të një postimi në “X” ka thënë se hapja e kapitujve të anëtarësimit në BE e sjell Shqipërinë një hap më pranë një të ardhmeje më të ndritshme dhe më të begatë për të gjithë qytetarët e saj, shkruan Arbresh.info.

“Urime Shqipërisë për arritjen e një momenti historik të madh në rrugëtimin e saj drejt anëtarësimit në BE!”, ka shkruar ajo.

“Shqipëria, Kosova dhe vendet e tjera demokratike në rajonin tonë duhet të vazhdojnë të përparojnë në rrugët e tyre drejt BE-së, e cila është thelbësore për sigurimin e paqes dhe stabilitetit të qëndrueshëm – jo vetëm për rajonin, por për të gjithë Evropën”, shtoi ajo./Arbresh.info/

Congratulations to Albania on reaching a major milestone in its journey towards EU membership! The opening of the EU accession chapters brings Albania one step closer to a brighter and more prosperous future for all its citizens.

Albania, Kosovo, and other democratic countries…

— Vjosa Osmani (@VjosaOsmaniPRKS) October 15, 2024