Kandidati për kryeministër nga radhët e PDK-së, Bedri Hamza ka thënë se është mbështetës i sektorit privat dhe që beson në njerëzit e ri të Kosovës, ku bashkë me ta, ai shprehet që do të bëjë punë të mira.

Përmes një videoje në Facebook, ai shton se Fondi për Garantimin e Kredive do të zhvilloeht dhe do rritet kapitali e fushëveprimtaria e tij, shkruan Arbresh.info.

“Përmes favorizimeve me politika mbështetëse, tatime më të ulëta, mbështetje më të madhe për bizneset, dhe ambient më miqësor për bizneset, dhe lehtësimi në qasjen e financave, ka njerëz që kanë ide. Ka njerëz që janë shumë të kualifikuar , por i mungon ai kapitali fillestar. Kolateral, nuk ki se je e re ose i ri, prandaj Fondi për Garantimin e Kredive duhet mu zgjeru, duhet me u rrit kapitali i tij, duhet mu rrit fushëveprimtaria e tij që me i përkrah stratup-et”, u shpreh Hamza.

“Jam mbështetës i sektorit privat, e kur jam te sektori privat duhet me i mbështet ato sektore ku prodhojnë rezultate”, shtoi ai.

“Përveç kësaj u kam deklaruar publikisht dhe e kam pjesë të programit, 30 për qind me i përkrahë me grante investive. Po realisht, besoj në juve, besoj në njerëzit e ri të Kosovës që kemi me bë punë të mira”, theksoi ai./Arbresh.info/