​Analisti Halil Matoshi thotë se Asociacioni i Komunave Serbe nuk cenon sovranitetin shtetëror të Republikës së Kosovës.

Sipas tij, Asociacioni buron nga Paketa Ahtisaari dhe ishte si kompromis për të marr pavarësinë.

Ky është shkrimi i plotë i Matoshit në Facebook:

Asociacioni nuk e cenon sovranitetin shtetëror të Republikës se Kosovës!

Lexoni vetëm këto dy pika:

Asociacioni do t’i dërgojë ministrit të Punëve të Brendshme emrat e komandantëve të policisë në komunat përkatëse.

Të gjitha amendamentet e këtij Asociacioni miratohen me dekret dhe shqyrtohen në Gjykatën Kushtetuese.

Unë nuk po i kuptoj ata që thonë se mbaroi sovraniteti i Republikës se Kosovës me krijimin e Asociacionit të komunave serbe? KU e shihni ju këtë?

E para, Asociacioni buron nga Paketa Ahtisaari dhe ishte si kompromis për të marr pavarësinë;

Së dyti Asociacioni nuk mund të bie ndesh me prerrogativat e Kushtetutës së Kosovës sepse statuti dhe të gjitha vendimet e tij shqyrtohen nga Gjykata Kushtetuese e Kosovës;

Bashkësia e serbeve kosovar, u nënshtrohet ligjeve të Kosovës, Institucioneve qendrore: Kuvendit dhe Qeverise se Kosovës si dhe agjensioneve qeveritare, Komandës qendrore te FAK-ut (aktualisht FSK), Komandës unike policore (Policia e Kosovës) dhe gjyqësorit unik.

Serbëve kosovar asociacioni u jep ma shumë mundësi në zhvillim ekonomik lokal, ambient, arsim, kulturë, shëndetësi, shërbime komunale etj. Çka edhe është OK.

Shteti që jep të drejta dhe garanton liritë asht shtet modern – jo ai që i kufizon ato.

Fundja edhe deri më tani – në komunat me shumicë serbe – kanë vetëqeverisur serbët kosovar dhe kjo është OK.