Komisioneri evropian për zgjerim Johannes Hahn ka vlerësuar se Serbia ka bërë hapa të mëdhenj në rrugën e anëtarësimit në Bashkimin Evropian, ka arritur disa qëllime strategjike dhe shpreson se edhe pas zgjedhjeve do të jetë përkushtuar ndaj reformave dhe normalizimit të marrëdhënieve me Kosovën.

“Normalizimi i marrëdhënieve me Kosovën, dhe normalizimi i plotë i marrëdhënieve, në kornizat negociuese që janë vendosur, janë me shumë rëndësi”, ka vlerësuar Hahn në mbledhjen e Parlamentit Evropian, raporton FoNet, transmeton Koha.net.

Ai ka theksuar se është me rëndësi që kontestet bilaterale që Serbia i ka me disa anëtarë nuk e pengojnë procesin e anëtarësimit ë saj në BE.

Hahn ka shtuar se Serbia është e përkushtuar ndaj frymës së bashkëpunimit dhe marrëdhënieve të mira fqinjësore gjë që edhe ka sjellë te normalizimi i marrëdhënieve me Kosovën.