Një grua ka përfunduar në pranga të Policisë së Kosovës pasi e njëjta nga pakujdesia ka goditur me veturë një vajzë të mitur.

Policia bënë të ditur se e mitura është dërguar në Qendrën Klinike Universitare të Kosovës (QKUK) për trajtim mjekësor, shkruan arbresh.info.

Po ashtu bëhet e ditur se vajza e mitur është jashtë rrezikut për jetë, ndërsa vozitësja e veturës me vendim të prokurorit është dërguar në mbajtje.

“ Është arrestuar vozitësja femër kosovare, pasi që e njëjta me veturë nga pa kujdesia ka goditur këmbësoren femër kosovare (e mitur). Viktima është dërguar në QKUK dhe sipas mjekut, është jashtë rrezikut për jetë. Me vendim të prokurorit, e dyshuara është dërguar në mbajtje”, thuhet në njoftim.

Rasti ka ndodhur në fshatin Zabel i ulët, Gllogoc rreth orës 18:49./arbresh.info/