Ministri i Punëve të Brendshme, Xhelal Sveçla ka bërë të ditur se është goditet edhe një laborator i drogës i llojit kokainë në Prishtinë.

Në llogarinë e tij në Facebook, Sveçla ka shpërndarë pamje nga realizimi i aksionit policor ndërsa theksoi se laboratori i sotëm është i 19-ti i shkatërruar në tri vitet e fundit, përcjell Arbresh.info.

“Këtij fenomeni i kemi shpallur luftë që nga marrja e mandatit dhe kemi qenë të pakompromis në këtë drejtim. Laboratori i sotëm është i 19-ti i shkatërruar në tri vitet e fundit, 40 grupe kriminale që janë marrur me këtë veprimtari janë shkatërruar e janë sekuestruar mbi 2.500 kilogramë sasi të llojeve të ndryshme të drogave”, tha Sveçla.

“Kjo betejë do të vazhdojë dhe askush nuk do të jetë i paprekshëm e i fuqishëm para ligjit. Ky fenomen që rrezikon jetën e fëmijëve e rinisë sonë dhe që shkatërron harmoninë në familjet e vendit tonë, do të goditet në vazhdimësi dhe pa mëshirë nga ana jonë. Të gjithë kriminelëve, të të gjitha ngjyrave, i’u them që nuk ka hapësirë për veprimtarinë e tyre kriminale në Kosovë. Prapa hekurave është vendi për ta”, shtoi tutje ai./Arbresh.info