Goditet nga vetura, vdes biçiklisti në QKUK

10:46 | 20 Shtator 2019
M. A.

Pasditen e djeshme në Shtimë është goditur për vdekje një mashkull i cili ka qenë duke vozitur biçikletën.

Në raportin e policisë thuhet se i dyshuari ka qenë duke vozitur automjetin me targa lokale dhe ka goditur biçiklistin.

“Derisa ngasësi i automjetit transportues mashkull K/Shqiptar ka qenë duke e drejtuar automjetin e tij me targa lokale ka goditur biçiklistin mashkull K/Shqiptar të cilit i ka shkaktuar lëndime të rënda trupore”.

Viktimës i është ofruar ndihma mjekësore, i cili është dërguar në QKUK-Prishtinë, ku edhe ka ndërruar jetë.

Me vendim të prokurorit trupi i pajetë dërgohet për obduksion. Ndërsa vozitësi i automjetit transportues mashkull K/Shqiptar është arrestuar dhe dërgohet në mbajtje për 48 orë./arbresh.info/