Një gjashtëvjeçare ka ndërruar jetë në QKUK, pas plagëve të marra nga një aksident trafiku në Mitrovicë.

Në rrugën “Shemsi Ahmeti” në Mitrovicë një autobus ka goditur viktimën duke i shkaktuar lëndime të rënda trupore, raporton portali arbresh.info.

Këtë  e konfirmon edhe zëdhënësi i Policisë për rajonin e Mitrovicës, Avni Zahiti i cili thotë se është arrestuar shoferi i autobusit.

“Është arrestuar i dyshuari mashkull,  shtetas i Republikës së Kosovës , pasi që i njëjti gjersa ishte duke drejtuar autobusin në rrugën ” Shemsi Ahmeti” në Mitrovicë,  ka goditur këmbësoren  e moshës gjashtë vjeçare.  Viktima ka pësuar lëndime të rënda trupore, ndërsa disa orë më pas në QKUK, e njëjta ka ndërruar jetë”, bën të ditur Zahiti.

Me urdhër të prokurorit trupi i pajetë është dërguar në Institutin e Mjekësisë Ligjore për obduksion, ndërsa të dyshuarit i është caktuar masa e ndalimit policor./arbresh.info/