Gjyqtarët nuk e filluan sot punën në veri

11:18 | 25 Tetor 2017

40 gjyqtarët serbë, ende nuk janë vendosur në objektin e gjykatës në veri të vendit, duke mos funksionalizuar plotësisht funksionimin e saj.

arbresh.info mëson se gjyqtarët do të fillojnë punën nga e hëna, por betimi i tyre, po shihet me skepticizëm nga deputetët e Kosovës.

Në seancën e sotme plenare, ata po kërkojnë videoxhirime të betimit të  40 gjyqtarëve dhe 13 prokurorëve serbë se do të punojnë në harmoni me legjislacionin e Kosovës.

Një ditë më parë nuk ju lejua qasja medieve, në kohën kur Presidenti i vendit Hashim Thaçi dekretoi 40 gjyqtarë dhe 13 prokurorë serbë të cilët do të punojnë në këtë gjykatë.

Dekretimin e gjyqtarëve dhe prokurorëve serb e ka mirëpritur edhe Bashkimi Evropian dhe Shtetet e Bashkuara të Amerikës.

Me aktin e betimit, bëhet edhe zbatimi i plotë të Marrëveshjes për Drejtësi të arritur në Bruksel, më datën 10 shkurt 2015, ndërmjet Kosovës dhe Serbisë, në negociatat e lehtësuara nga Bashkimi Evropian.

Integrimi i i Gjyqësorit, sipas BE-së, do të mundësojë zbatimin unik të ligjit në Kosovë në të gjitha gjykatat e prokuroritë themelore në Kosovë./arbresh.info/

https://www.facebook.com/arbresh.info/videos/1577067199025033/

 

Shpërndaje në rrjete sociale

Lajmet më të lexuara