Google ADS

Gjykata Speciale ndryshon datën e konferencës përgatitore ndaj Thaçit, Veselit, Krasniqit dhe Selimit

15:36 | 19 Janar 2023
A. B.

Dhomat e Specializuara të Hagës kanë ndryshuar datën e mbajtjes së konferencë përgatitore të prokurorit të Specializuar, për seancën gjyqësore ndaj Hashim Thaçit, Kadri Veselit, Jakup Krasniqit dhe Rexhep Selimit.

Data e parë për mbajtjen e kësaj konference ishte caktuar të jetë 17 shkurti. Kjo u caktua nga prokurori i specializuar, Matthew Howling. Por kjo datë përkoi pikërisht me 15 vjetorin e Pavarësisë së Kosovës dhe si e tillë shkaktoi reagime të shumta në opinion.

E këto reagime kanë bërë që kjo datë të ndryshohet.Tashmë Specialja ka vendosur që seanca të mbahet më 15 shkurt 2023.

Konferenca e fundit përgatitore për seancën e gjykimit ndaj ish-krerëve të UÇK-së u mbajt më 18 janar dhe u vendos që gjykimi të fillojë në muajin mars.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm