Gjuriq pas dështimi të kodit telefonik: Nuk pranojmë shantazhe

18:10 | 30 Shtator 2016
M. A.

Menjëherë pas përfundimit të takimit të sotëm në vazhdën e bisedimeve Prishtinë Beograd dhe mos-arritjes së marrëveshjes në lidhje me kodin telefonik të Kosovës, është Drejtori i të ashtuquajturës Zyra për Kosovën Marko Gjuriq i cili ka reaguar.

Gjuriq ka thënë për gazetarët pas këtij përfundimi se Beogradi dhe Prishtina nuk kanë arritur të bien dakord për zbatimin e marrëveshjes për telekomunikacionin duke theksuar se përfundimisht Beogradi nuk ka rënë dakord për të krijuar një “enklavë të telekomunikacionit” për serbët.

Gjuriq ka theksuar se me Serbinë mund të ketë organizim, por jo me gjuhën e shantazhit.

“Delegacioni i Beogradit nuk e ka pranuar krijimin e pasurisë që pasuritë tona të jenë paraqitur si pronë e Postës dhe Telekomit të Kosovës”, ka thënë Gjuriq, transmeton Indeksonline.

Ndërsa ai ka shtuar se “mbetemi të gatshëm për të caktuara nga Bashkimi Evropian”. Këto bisedime për kodin telefonik kishin filluar të hënën dhe kanë përfunduar sot.