Ministrja e Punëve të Jashtme në Kosovë, Donika Gërvalla në paraqitjen e saj të sotme në Shkup deklaroi se “Ballkani i Hapur”, si iniciativë për bashkëpunim rajonal, për Republikën e Kosovës paraqet ide të rrezikshme, shkruan Alsat. Gërvalla tha se kjo iniciativë rrezikon qëllimin e përbashkët të vendeve nga rajoni, respektivisht anëtarësimin në Bashkimin Evropian.

“Pa i mohuar të drejtën asnjë shteti të pavarur dhe sovran të marr vendimet e tij se në ciln iniciativë të merr pjesë, se me kënd dëshiron të krijojë koalicione të vogla apo të mëdha, si Republikë e Kosovës, iniciativën e Novi Sadit, në ndërkohë të mini-shenhgenit, që nga dita e djeshme Ballkanit të Hapur, e konsiderojmë si të rrezikshme. Sikur përçohet mesazhi sikur kemi alternativë ndaj rrugës tonë të përbashkët si rajon drejt BE-së”, tha mes tjerash Gërvalla./alsat.m/