Gazetari i mirënjohur suedez me prejardhje shqiptare, Diamant Salihu, është nominuar për çmimin Wallenberg 2023.

“Diamant Salihu – gazetari i mirënjohur suedez me origjinë nga Kosova, nominohet për çmimin Wallenberg 2023. Ky çmim ndahet nga Akademia Raoul Wallenberg. Raoul Wallenberg, ishte arkitekt, diplomat dhe humanitst suedez i cili shpëtoi mijëra hebrenj në Hungari gjatë Holokaustit dhe fazave të mëvonshme të Luftës së Dytë Botërore”, thuhet në njoftimin e Kosovës në Suedi, raporton Arbresh.info.

Ky çmim u jepet individëve, organizatave dhe komuniteteve, të cilët personifikojnë vlerat për të cilat u shqua dhe luftoi Raoul Wallenberg.

“Çmimi Wallenberg jepet për “individët, organizatat dhe komunitetet, guximi, vetëmohimi dhe suksesi i të cilëve kundër vështirësive të mëdha, personifikojnë vlerat për të cilat u shqua dhe luftoi Raoul Wallenberg”. Ky çmim do të ndahet me 27 gusht 2023”, thuhet në njoftimin e ambasadës./Arbresh.info/