Ish kandidati për kryetar në komunën e Malishevës nga radhët e AAK-së, Kajtaz Gashi  sot ka dhënë dorëheqje nga kjo parti.

Këtë e ka bërë të ditur përmes një postimi në ‘Facebook’, ku s’ka treguar arsyet e largimit, shkruan portali arbresh.info

Postimi i tij i plotë:

Të nderuar miq;

Ju njoftoj se kam dhënë dorëheqje nga të gjitha funksionet në AAK. Falënderoj dhe shprehi mirënjohje për të gjithë ata qytetarë, miq e bashkëpunëtorë që më mbështetën për kryetar komune në zgjedhjet e fundit lokale dhe më besuan t’i përfaqësoj në Asamblenë Komunale të Malishevës.

Falënderoj kryetarin e AAK-së për besimin dhe bashkëpunimin korrekt që kemi pasur nder vite.

Angazhimi im politik e qytetarë do të vazhdoj gjithmonë në funksion të së mirës së përgjithshme për qytetarët e komunës tonë dhe vendit. /arbresh.info/