Deri më tani, tre kandidatë e kanë bërë publike se e synojnë kreun e LDK-së, Isa Mustafa, Vjosa Osmani e Lutfi Haziri, e kësaj pritet t’i bashkohet edhe ish-kryetari Fatmir Sejdiu.

Në këtë garë kryeministri e kryetari aktual i LDK-së, pritet me u përball me 3 kundër kandidatë. E kjo është hera e parë, që ulësen e te parit te Lidhjes Demokratike e pretendojnë më shumë se dy kandidatë.

Me të njëjtën bindje foli për Televizionin Rrokum edhe nënkryetari i Lidhjes Demokratike, Agim Veliu.

Sipas Veliut, “kundërkandidatët e Mustafës janë të pa denjë për këtë garë”. Derisa ai është skeptik se Lutfi Haziri “ka për të kandiduar, femra e parë që e synon timon e LDK-së, Vjosa Osmanin e quan të papjekur”.

Kandidaturat e shumta shfaqin pakënaqësinë ndaj kryetarit Isa Mustafa. Kështu mendon Petrit Zogaj nga Lëvizja ‘Fol’.

Por, sipas tij, “asnjëri nuk ja rrezikon pozitën e të parit në partisë, kryeministrit aktual”.

Lidhja Demokratike e Kosovës, me 30 maj pritet me e mbajë Kuvendin e VIII zgjedhor, ku pritet me u zgjedh kryetari dhe kryesia e kësaj partie.