Është gjetur trupi i pajetë i fëmijës 4-vjeçar që ka rënë në kanalin e Ibër-Lepencit.

Trupi i pajetë i 4 vjeçarit është gjetur nga ekipet e FSK-së, shkruan Arbresh.info

Forca e Sigurisë së Kosovës (FSK) në “Facebook”, ka publikuar pamje gjatë aksionit për gjetjen e vogëlushit si dhe ka dhënë detaje shtesë.

Pas evakuimit të viktimës trupi i pajetë është dorëzuar Mjekësisë Ligjore dhe Policisë së Kosovës për procedurat e mëtejme. Deri më tani nuk dihen rrethanat se si katër vjeçari ka rënë në kanalin e Ibër Lepencit.

Kujtojmë se, fëmija ishte i raportuar i zhdukur që nga dita e djeshme, ndërsa trupat e FSK-së kanë dalë në vend ngjarje dje në orët e vona të pas ditës, pas kërkesës së Qendrës së Situatave, duke angazhuar ekipet e Kërkim Shpëtimit malor, ujor dhe K9 të Gardës Kombëtare, të cilat kanë punuar në koordinim me Policinë e Kosovës. /Arbresh.info/

lexo edhe:

Gjendet trupi i pajetë i 4 vjeçarit që ra në kanalin e Ibër-Lepencit