Komuna e Podujevës njofton se Forca e Sigurisë së Kosovës do të mbaj ushtrim në territorin e kësaj komune.

Ky aktivitet i FSK-së do të zhvillohet nga data 16.09.2024 deri më 19.09.2024, kurse zona e realizimit të këtij trajnimi do të jetë Komuna e Podujevës, saktësisht pjesa malore e Mitrovicës-Shala e Bajgorës që lidhët me Podujevën deri në fshatin Koliq, shkruan Arbresh.info

Në njoftimin e kësaj komune thuhet se gjatë ushtrimit do të ketë lëvizje të shtuar të personelit dhe automjeteve ushtarake në këtë zonë gjatë ditës dhe natës.

Njoftimi i plotë:

Forca e Sigurisë së Kosovës do të mbajë ushtrim në territorin e Podujevës

Njoftojmë qytetarët e Podujevës se Regjimenti i Tretë – Kazerma “Minatori” në Mitrovicë sipas planit vjetor të punës do të mbajë disa ushtrime – trajnime.

Ky aktivitet i FSK-së do të zhvillohet nga data 16.09.2024 deri më 19.09.2024, kurse zona e realizimit të këtij trajnimi do të jetë Komuna e Podujevës, saktësisht pjesa malore e Mitrovicës-Shala e Bajgorës që lidhët me Podujevën deri në fshatin Koliq.

Gjatë ushtrimit do të ketë lëvizje të shtuar të personelit dhe automjeteve ushtarake në këtë zonë gjatë ditës dhe natës./Arbresh.info/