Ministria e Jashtme e Francës ka njoftuar se Franca mbështet perspektivën evropiane të Kosovës, njësoj si ajo e vendeve të tjera të Ballkanit Perëndimor.

“Ai i bën thirrje Kosovës që të vazhdojë reformat e nevojshme për afrimin e saj me Evropën, veçanërisht në fushën e sundimit të ligjit dhe mbrojtjen e personave që u përkasin pakicave”, njofton Ministria e Jashtme e Francës.

“Franca do të vazhdojë të mbështesë përpjekjet e ndërmarra në këtë fushë”, thuhet tutje në Ministrinë e Jashtme e Francës.

MPJ-ja franceze ka theksuar se Kosova, ashtu si Serbia, duhet gjithashtu të angazhohet me përgjegjësi dhe konstruktive në dialog me synimin e normalizimit të marrëdhënieve ndërmjet Kosovës dhe Serbisë, “që është kusht thelbësor për afrimin evropian të dy vendeve dhe stabilitetin e të gjithë rajonit”./arbresh.info/