Policia rajonale e Ferizajt në rrugën magjistrale Ferizaj-Kaçanik, në fshatin Rakaj, ka ndaluar personin me inicialet, V.S i moshës 19 vjeçar, i cili ka bërë tejkalimin e shpejtësisë, ku në zonën e kufizimit 50 km/h ka zhvilluar shpejtësi 138 km/h.

Sipas njoftimit, i njëjti po drejtonte veturën pa patent shofer, përcjell Arbresh.info.

Ndaj tij, policia inicioj një fletëparaqitje për gjykatë në divizionin për kundërvajtje, ndërsa personin V.S e përjashtoi nga komunikacioni.

“Me këtë rast, Drejtoria Rajonale e Policisë në Ferizaj apelon tek shoferët e automjeteve që të respektojnë shpejtësinë dhe shenjat e komunikacionit.
Veprimet e tilla rrezikojnë direkt jetën e tyre dhe të pjesëmarrësve tjerë në komunikacion dhe fton qytetarët të bashkëpunojnë me policinë. Për të gjitha kundërvajtjet që mund të shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ”Lajmëro Policinë ” dhe në numrat kujdestarë : 192 ,0290/326-250 & 0290/322-406”, thuhet në njoftim./Arbresh.info