Kandidatja për deputete nga Lëvizja Vetëvendosje, Fitore Pacolli ka ndarë pamje nga vizita në fabrikën e prodhimit profesional të rrobave të tekstilit Kos Tex.

Ajo tha se ky biznes është mbështetur nga Qeveria për blerjen e makinerisë profesionale, përcjell Arbresh.info

Në këtë vizitë, atë e shoqëroi ministrja e Ekonomisë, Artane Rizvanolli.

“Në fabrikën e prodhimit profesional të rrobave të tekstilit Kos Tex. Fabrika ka 62 punëtorë dhe 100% të prodhimit e eksporton jashtë Kosovës. Nëse nuk e keni ditur rrobat e markës Max Mara prodhohen në Kosovë. Ky biznes është mbështetur nga Qeveria për blerjen e makinerisë profesionale.

Pronari i kompanisë, shqiptar me origjinë nga Kosova, ka lindur dhe rritur në Turqi. Pas shumë vitesh kur edhe është shpërngulur familja ky ka vendosur të kthehet e të investoj në Kosovë”, shkroi Pacolli./Arbresh.info